首爾遊 2013

十二月頭, 機票仲未加價, 一於走一水首爾先.

指定動作: 燒牛肋骨 

 仲有買化妝品

 由於行程時間極短, 只可以食同行吓街.

上次去咗鷺樑津水產市場, 今次去可樂魚農市場.

 韓國始終同日本差一截, 單看農產品, 已經無咁靚.

大蘿蔔

 唔知乜野菜

 大白菜, 應該係用嚟做 kimchi 的

 果欄

 魚市場

 買咗隻蟹, 點知比人搵笨, 搵隻死蟹比我哋, 好彩食店的中國侍應幫我哋換過隻.

 對韓國販商的印象, 打了大折扣.

 攜海鮮到食店加工

 食店好簡單, 只幫手加工, 無乜其他嘢食.

 煮法 - 白烚

 不過以佢哋嘅廚技... 都係白烚最簡單穩陣.

蠔雖然唔肥, 但勝在夠鮮, 鮑魚亦好軟腍.

隻蟹唔差, 但同日本嘅無得揮!

 蟹蓋蟹膏用嚟炒飯, 唔錯

午飯後入首爾馬場搏殺！

 首爾賽馬公園

 好多馬經, 好似香港嘅80年代

 韓國馬場設備不差

 唯獨馬匹質素差, 比香港馬低三班, 比日本馬低五班

 馬迷亦相當熱情

老Jack 運氣依然低迷, 雖然在無睇馬經無睇操無睇賠率下, 純粹睇狀態選中了頭馬（7號）, 佢仲以超無敵姿態贏一條街添。可惜以7號做Q胆同T胆, 另外兩隻, 一隻得第三, 一隻無影, Q都瓜埋, 齋得W有錢收, 運氣始終未到……

馬場失意下, 乖乖地陪老婆濕平

晚餐繼續牛下去!